മീനില്ലാത്ത മീന്‍കറി

ആവശ്യമുള്ള സാധനങ്ങള്‍:
1. പച്ചത്തക്കാളി നീളത്തില്‍ അരിഞ്ഞത് - രണ്ടുകപ്പ്
2. പച്ചമുളക് കീറിയത് - രണ്ടെണ്ണം
3. ഇഞ്ചി നീളത്തില്‍ കനംകുറച്ചരിഞ്ഞത് - ഒരു ടീസ്പൂണ്‍
4. ചെറിയഉള്ളി നീളത്തില്‍ കനംകുറച്ചരിഞ്ഞത് - മൂന്നെണ്ണം
5. തേങ്ങ ചുരണ്ടിയത് - ഒരു കപ്പ്
6. മുളകുപൊടി - ഒരു ടീസ്പൂണ്‍ നിറച്ച്
7. മഞ്ഞള്‍പ്പൊടി- അരടീസ്പൂണ്‍ വടിച്ച്
8. മല്ലിപ്പൊടി - അര ടീസ്പൂണ്‍ വടിച്ച്
9. ചെറിയ ഉള്ളി - അഞ്ചെണ്ണം
10. കുടമ്പുളി - രണ്ട് ചെറിയ കഷണം
11. വെളിച്ചെണ്ണ - രണ്ട് ടീസ്പൂണ്‍
12. കറിവേപ്പില
13. ഉപ്പ് - ആവശ്യത്തിന്

തയ്യാറാക്കുന്ന വിധം:
അഞ്ചുമുതല്‍ ഒമ്പതു വരെയുള്ള സാധനങ്ങള്‍ കുറച്ചു തരുതരുപ്പായി അരയ്ക്കുക. ഒന്നുമുതല്‍ നാലുവരെയുള്ള സാധനങ്ങളും കുടമ്പുളിയും വെളിച്ചെണ്ണയും രണ്ടു തണ്ട് കറിവേപ്പിലയും ഉപ്പും കുറച്ചു വെള്ളവും അരപ്പും ചേര്‍ത്ത് ചെറിയ തീയില്‍ വെള്ളം വറ്റിച്ചെടുക്കുക. മീന്‍കറിയുടെ അയവു മതി. മീന്‍കറിയുടെ രുചിയും കിട്ടും.