വെള്ളയപ്പം

ആവശ്യമുള്ള സാധനങ്ങള്‍
1.വറുത്ത അരിപ്പൊടി-250 ഗ്രാം
2.കള്ള്‌- 1 കപ്പ്‌
3.റവ അല്ലെങ്കില്‍ അരിപ്പൊടി തെള്ളിയതില്‍ നിന്ന്‌ കിട്ടുന്നതരി - ഒന്നര കപ്പ്‌
വെള്ളം-ഒന്നര കപ്പ്‌
4.തേങ്ങ ചിരകിയത്‌- 2 കപ്പ്‌
5.പഞ്ചസാര-പാകത്തിന്‌
6.ഉപ്പ്‌-പാകത്തിന്‌
7.ചുവന്നുള്ളി-2 അല്ലി

തയാറാക്കുന്ന വിധം
1. അരിപ്പൊടി കള്ളൊഴിച്ചു കുഴച്ചു വയ്‌ക്കുക.
2. റവ വെള്ളത്തില്‍ കട്ടയില്ലാതെ കലക്കി ചെറുചൂടില്‍ കുറുക്കിയെടുത്ത്‌ ചൂടാറാന്‍ വയ്‌ക്കുക.
3. തേങ്ങ ചിരവിയത്‌ പകുതി പിഴിഞ്ഞു കട്ടിപ്പാല്‍ തയാറാ ക്കുക.
4. ബാക്കി തേങ്ങ ഏഴാമത്തെ ചേരുവ ചേര്‍ത്തരയ്‌ക്കണം.
5. അരിപ്പൊടി കുഴച്ചുവച്ചതില്‍ റവ കുറുക്കിയതു ചേര്‍ത്തു കുഴയ്‌ക്കുക.
6. ആവശ്യത്തിനു തേങ്ങാപ്പാല്‍ ചേര്‍ത്തു നീറ്റുക.
7. തേങ്ങ അരച്ചതു ചേര്‍ത്തു പാകത്തിനു പഞ്ചസാരയും ഉപ്പും ചേര്‍ത്തു പൊങ്ങാന്‍ വയ്‌ക്കുക.
8. പിന്നീട്‌ ദോശമാവിന്റെ അയവില്‍ കലക്കിയ മാവെടുത്തു ദോശക്കല്ലിലോ നോണ്‍ സ്‌റ്റിക്കിലോ അപ്പം ചുട്ടെടുക്കുക.