കാളന്‍

ചേരുവകള്‍:
1. നേന്ത്രക്കായ്‌ 2 എണ്ണം.
2. മോര്‌ 1 ലിറ്റര്‍.
3. പച്ചമുളക്‌ 5 എണ്ണം
4. മഞ്ഞള്‍ പൊടി 1 റ്റീസ്പൂണ്‍
5. തേങ്ങാ ചിരകിയത്‌ 1/4 കപ്പ്‌.
6. ചെറിയ ഉള്ളി 4 എണ്ണം
7. ജീരകം 1/2 റ്റീസ്പൂന്‍
8. ഉലുവാ 1/4 റ്റീസ്പൂന്‍
9. കടുക്‌ 1 റ്റീസ്പൂണ്‍
10. കറിവേപ്പില

തയ്യാറാക്കുന്ന വിധം
1. നെന്ത്രക്കായ്‌ ചെറിയ കഷണങ്ങളായി നീളത്തില്‍ മുറിച്ചു മഞ്ഞള്‍ പൊടിയും ഉപ്പും ചേര്‍ത്ത്‌ നന്നായി വേവിക്കുക.
2. തേങ്ങാ ചിരവിയത്‌, ചെറിയ ഉള്ളി, പച്ച മുളക്‌, ജീരകം, മഞ്ഞള്‍ പൊടി എന്നിവ നല്ലതുപോലെ അരച്ച്‌ വെന്ത നേന്ത്രക്കായുടെ കൂടെ നന്നായി ചേര്‍ത്തിളക്കുക.
3. ഇതില്‍ മോരു ചേര്‍ത്ത്‌ നല്ലതുപോലെ ഇളക്കിക്കൊണ്ടിരിക്കുക. (ചെറു ചൂടില്‍ അടുപ്പത്ത്‌ വച്ച്‌.)
4. മോരു പതഞ്ഞു വരുമ്പോള്‍ വാങ്ങി തണുക്കാന്‍ വയ്ക്കുക്‌.
5. കടുക്‌ പൊട്ടിച്ചു ഉലുവായും കറിവേപ്പിലയും മൂപ്പിച്ചു ഇതില്‍ ചേര്‍ക്കുക.